Teatro na Casa da Cultura. "Contos que foron chistes"

Moitos chistes cos que hoxe nos reimos son unha adaptación de contos vellos. De curas, de ricos, político... que hoxe cambiaron fórmalas pero non os contidos nin o fondo: reirse. Especialmente de quen manda. É algo así como dicir: "se non podes desobedecer, polo menos ri del"

Ademais, os contos, os chistes, non teñen máis fronteira que o sentido do humor de cada un. Por iso hai contos que se contan moi, moi parecidos en distintos países. É coma se a globalización económica chegase despois da globalización do humor. Así, hai contos que coñecemos como moi galegos, que se contan hoxe en día en China ou en Vietnam.