Sarria acollerá o vindeiro domingo, día 15 de outubro, a terceira edición da Pretorian Race Sarria Xtreme, proba de superación física e habilidade que reunirá a máis de 700 participantes que competirán por superar os máis de 35 obstáculos naturais e artificiais distribuídos nun percorrido de sete quilómetros.

A Oficina Acelera Pyme Asime Lugo organiza este xoves no Hotel Restaurante Roma, de 10.00 a 12.30 horas, unha xornada demostrativa sobre ciberseguridade e seguridade industrial dirixida a pemes, autónomos e emprendedores, así como a calquera outra persoa interesada.

Este vindeiro sábado, día 16 de setembro, o campo do Chanto acollerá a partir das 16.00 horas a disputa do III Torneo de Rugby de Veteráns Vila de Sarria, que conta coa colaboración da Concellaría de Deportes, ademais doutras administracións.

Representantes do Concello de Sarria, da Deputación de Lugo, da asociación cultural Meigas e Trasgos e do Meigallo presentaron oficialmente esta tarde a programación da nova edición da Noite Meiga, que inclúe un total de once actividades na fin de semana do 25 ao 27 de agosto.

Dentro do campamento de verán "Aventura no Camiño 2023", o Concello de Sarria acollerá o vindeiro venres, día 11 de agosto, a primeira "Pretorian Race Kids", unha carreira de obstáculos para nenos e nenas que se celebrará no campo de rugbi do Chanto entre as 10.00 e as 14.00 horas.

A contorna do Campo da Feira de Sarria acollerá o sábado o VII Slalom Concello de Sarria, no que participarán máis de medio cento de pilotos -á espera de publicarse o xoves a lista definitiva de inscritos- e que será puntuable para o Campionato de Galicia de Slalom da Federación Galega de Automobilismo (FGA).