Actualidade

A banda murciana de indie-rock "Second" encabeza o cartel da quinta edición do Verbena Fest, que se celebrará o venres 4 e o sábado 5 de agosto na terraza O Meigallo de Sarria.

A Concellaría de Acción Cultural dinamizará os primeiros catro mércores do mes de agosto co programa "Mércores Escénicos", que conta coa colaboración da Axencia Galega das Industrias Culturais (Agadic) da Xunta de Galicia e que incluirá actividades de danza, circo, teatro e títeres.

Nos primeiros días de agosto Sarria será o escenario de grandes artistas. Chegan Sarria Blues no Camiño e Verbena Fest!

A Concellaría de Deportes de Sarria acaba de abrir o prazo para que os clubs poidan solicitar a utilización das instalacións deportivas municipais para a tempada 2023/24 coa finalidade de poder organizar e coordinar un calendario común con suficiente antelación.

A décima edición do Descenso Urbano (DHU) Vila de Sarria, que congregará a un total de 265 participantes entre maiores e nenos/as, inicia mañá a programación de actividades coa apertura ás 20.00 horas dunha zona gastronómica na denominada Zona Podium -no cruce da avenida, na confluencia das rúas Matías López e Diego Pazos- e con tres actuacións musicais nese mesmo lugar: o show de Grison Beatbox (21.30 horas), o concerto de Thom Archi (23.00 horas) e a música electrónica do dj Sutan (00.30 horas).

Os próximos 26 e 27 de xullo rapaces e rapazas de entre 6 e 13 anos poderán introducirse no mundo da arte desde a diversión. Para elo deberán inscribirse gratis mediante correo electrónico a Este enderezo de correo está a ser protexido dos robots de correo lixo. Precisa activar o JavaScript para velo., antes do 24 de xullo e asi participar nos cursos que impartirá a artista Mina Vrillet.