Actualidade

O 3 de Xuño de 2023, de 12:00 a 21:00 horas a Praza de Santa Mariña acollerá a segunda edición do Mercadiño Solidario da ONG sarriá Hospitaleros sin Fronteras.

Haberá actividades para os peques, mercadiño de artesanía senegalesa e de segunda man, gastronomía senegalesa e moita música: 

* Sesión vermú con Nowelin
* Concerto de Abraham Cupeiro,  "Resoando no pasado" na Igrexa de Santa Mariña ás 17:30h. Xa podedes adquirir as vosas entradas nos puntos de venda. (Sarria: Adarve, Casino e Saludx10;  Monforte: Escola de música e Awa; Lugo: La voz de la verdad e Inmobiliaria Predio).
* Concerto de TanDuB ás 19:30 na praza, de balde.

Esperámosvos a tod@s!

O Concello de Sarria e a Agrupación Cultural Ergueitas convocan a 23 edición do premio de poesía Fiz Vergara Vilariño.

O prazo de presentación de orixinais remata o 12 de xuño de 2023.

Animamos á participación, porque a cultura é o mellor refuxio que podemos atopar e a poesía un berce que anaina as incertezas.

O Esmorga Fest volve esta fin de semana a Sarria. O Concello convídavos a todos a gozar dun dos festivais de música independente e underground mais importantes do país, este ano coa novidade do Esmorguiña Fest, zona infantil con obradoiros e xogos musicais para os peques: será o sábado, en La Unión, nas actividades de balde patrocinadas polo Concello.

Lorenzana, escritor, narrador, editor, activista, profesor, Seminario de Estudos Galegos, Partido Galeguista, Editorial Galaxia, académico da Real Academia Galega, celebración das Letras Galegas, Grial, Ramón Piñeiro, Penzol, Cunqueiro... Todas estas palabras falan de Francisco Fernández del Riego, homenaxeado este 2023 coas Letras Galegas.

Desde 1995 Pixar divirte a maiores e pequenos coa marabillosa Toy Story. Historia da animación para todos os públicos que non podía faltar no noso ciclo de cinema infantil. Os venres de maio Andy e os seus xoguetes serán os protagonistas.

 Do 12 ao 14 de maio.

VENRES
16:00h Apertura de inscricións.
22:00h Pancetada para todo o público. Gratis para os rexistrados.
23:30h Concerto da Disquetera seguido de Dj Miguel Cendoi.